Chrysostomus Latinus in Iohannem Online (CLIO)

11.1.3 Quid igitur a uobis contendimus? ut una dierum in hebdomade, uel saltem sabbato curae uobis sit euangelicas legere lectiones, quas ante has conciones in manibus habere, domi frequenter repetere, earum diligenter sensum disquirere, quid clarum, quid obscurum in his sit, annotare uelitis, quid pugnare uideatur, cum non pugnet.

11.1.3 Quid igitur a vobis contendimus? vt vna dierum in hebdomade, vel saltem sabbato, curae vobis sit euangelicas legere lectiones, quas ante has conciones in manibus habere, domi frequenter repetere, earum diligenter sensum disquirere, quid clarum, quid obscurum in his sit, adnotare velitis, quid pugnare videatur, cum non pugnet:

11.1.3 Quid igitur a vobis postulo? ut una sabbatorum, vel in ipso sabbato, illam Evangeliorum partem quae vobis in concione legenda est prae manibus singuli accipientes, domi sedentes frequenter legatis, ac dicta saepe exploretis et examinetis: ac quid clarum, quid obscurum sit annotetis, quid in verbis pugnare videatur, licet non pugnet.