CLIO

CLOSE
Burgundio

11.1.5 Vos autem acutiores et perspicatiores hoc modo fictis non auditionem solum, neque ad disciplinam, sed et ad docendum alios. Quia ut nunc demum audiunt multi eorum qui adhuc ueniunt simul omnia coacti discere et uerba et ea que a nobis in eis dicuntur. Neque utique et si per annum totum hoc fecerimus, magnum quoddam fructificabunt luchrum.

CLOSE
Griffolini

11.1.5 Vos autem et acutiores et perspicatiores efficiemini, non ad audiendum et doctrinam duntaxat percipiendam, sed ad docendum alios. Nam multi in praesentia hic audiunt, qui simul omnia euangelii uerba, et quae super a nobis dicuntur, memoriae mandare conantur. Non tamen si annum in hoc consumeremus, admodum proficerent.

CLOSE
Griffolini-Montanus

11.1.5 vos autem et acutiores et perspicaciores efficiemini, non ad audiendum, et doctrinam duntaxat , sed et ad docendum alios. Nam multi in praesentia hic audiunt, qui simul omnia et euangelii verba, et quae super his a nobis dicuntur, memoriae mandare conantur: non tamen etiam si annum in hoc consumeremus, admodum proficerent.

CLOSE
Montfaucon

11.1.5 Vos autem acutiores et perspicaciores hoc modo efficiemini, non modo ut audiatis et discatis, sed etiam ut caeteros doceatis. Siquidem illo quo nunc agitis modo, multi praesentium verba Scripturae simul et explicationes nostras ediscere coacti, ne quidem si annum integrum his insumamus, magnum quidpiam lucri referent.