PREVIOUS EXCERPT | NEXT EXCERPT

CLOSE
Burgundio

3.1.10 Non enim est ut dixi tali potientes auditione, et apostolo tali coassistentes, non magnum aliquod et nobile accipientes, bonum abire, et si uir et si iuuenis, et si mulier qui hac participat mensa fuerit. Si enim feras que apud nos sunt sermone informantes mansuetas, faciemus, quanto magis spirituali hac doctrinas unos hoc operabimur. Cum et farmaci et eius qui curatur multum est medium.
CLOSE
Griffolini

3.1.10 Neque enim fieri, ut sic dicam, potest, qui his aures adhibet, hisque se apostolicis admonitionibus prompto animo offert1470/1486/1530: offeret, quin incredibile quoddam bonum, siue uir, siue mulier, siue iuuenis huius mensae particeps consequatur. Nam si beluas uerbis et ratione non nunquam mansuetudinem erudimus, longemagis spiritali hac doctrina cum hominibus communicata id efficiemus, cum utriusque medicinae scilicet, et eius qui curatur, maxima sit differentia.
CLOSE
Griffolini-Montanus

3.1.10 Neque enim fieri, vt sic dicam, potest, qui his aures adhibet, hisque se apostolicis admonitionibus prompto animo offeret: quin incredibile quoddam bonum, siue vir, siue mulier, siue iuuenis, huius mensae particeps, consequatur. Nam si beluas verbis et ratione nonnunquam mansuetudinem erudimus, longe magis spirituali hac doctrina cum hominibus communicata id efficiemus, cum vtriusque medicinae scilicet et eius qui curatur, maxima sit differentia.
CLOSE
Montfaucon

3.1.10 Neque enim fieri potest, ut jam dixi, ut qui hujusmodi concione fruuntur, et tantum Apostolum frequentant, non ingens quodpiam bonum secum referant; sive tandem vir, sive mulier, sive juvenis sit is qui hujus mensae particeps efficitur. Nam si feras verbo domitas cicuramus, quanto magis homines hac spirituali doctrina ad frugem deducemus; cum inter medicinam et eum qui curatur tantum sit discrimen?