PREVIOUS EXCERPT | NEXT EXCERPT

CLOSE
Burgundio

3.4.14 et ubique sicut et ita, ponens Christus et unum esse ad patrem, eam que ad eum in dissimilitudinem per hec manifestat dominationem autem, et per hec quidem, sed et per alia plura demonstrat, puta cum dicit, tace refrena, nolo mundare. Tibi dico demonio surdo et muto, exi ab eo et audite quoniam dictum est antiquis: Non occides. Ego uero dico uobis quoniam qui irascitur fratri suo inaniter, reus erit
CLOSE
Griffolini

3.4.14 Et in omni scriptura, unum et idem se esse cum patre asserit. Auctoritatem autem et potestatem et his et aliis pluribus locis manifestat, ut cum inquit: Tace, obmutesce. Volo purgare1470/1486/1530: mundare. Surde et mute spiritus, ego tibi praecipio: Exi ab eo. Et audistis quia dictum est antiquis, non occides. Ego autem dico uobis, qui irascitur fratri suo, reus erit iudicio, et plura huiusmodi.
CLOSE
Griffolini-Montanus

3.4.14 Et in omni scriptura vnum et idem se esse cum patre asserit. Authoritatem autem et potestatem et his, et aliis plurimis locis manifestat: vt cum inquit: Tace, obmutesce. Volo, mundare. Surde et mute spiritus, ego tibi praecipio, exi ab eo: et, Audistis quia dictum est antiquis, non occides: ego autem dico vobis, qui irascitur fratri suo temere, reus erit iudicio: et plura huiusmodi statuit et decernit.
CLOSE
Montfaucon

3.4.14 Et ubique sicut, et ita ponit, dicitque se et Patrem unum esse, nullamque esse differentiam declarat. Auctoritatem vero et per haec et per alia plura demonstrat; ut cum dicit, Tace, obmutesce; Volo, mundare; Tibi dico: Surde et mute daemon, exi ab eo: illudque, Audistis quia dictum est antiquis, Non occides: ego autem dico vobis, Qui irascitur fratri suo frustra, reus erit.