Chrysostomus Latinus in Iohannem Online (CLIO)

3.5.2 Non enim ignorationis gratia dei filium abnegarunt1470/1486: obnegarunt, sed ut apud populum plurimum et auctoritatis et honoris consequerentur. Ex principibus enim, inquit, multi crediderunt in eum, sed propter pharisaeos non confitebantur, ut de synagoga non eiicerentur. Potius enim hominum quam dei gloriam optarunt. Siquidem nullo pacto fieri potest, ut is qui tanto studio saeculari gloriae seruiat, diuinam unquam assequatur.

3.5.2 non enim ignorationis gratia dei filium abnegarunt, sed vt apud populum plurimum et authoritatis, et honoris consequerentur. Ex principibus enim, inquit, multi crediderunt in eum, sed propter pharisaeos non confitebantur, vt de synagoga non eiicerentur: potius enim hominum quam dei gloriam optarunt. siquidem nullo pacto fieri potest, vt is qui tanto studio seculari gloriae seruiat, diuinam vnquam assequatur.

3.5.2 Non enim per ignorantiam Filium Dei negabant; sed ut apud vulgus honorem sibi conciliarent. Nam credebant in eum, inquit, sed timebant ne extra synagogam fierent, in aliorumque gratiam salutem suam prodebant. Non potest enim, non potest utique is qui praesentem gloriam ita captat, illam quae a Deo est assequi.