CLIO

CLOSE
Burgundio

4.1.1 In principio erat uerbum et uerbum erat apud deum. Hiis puerorum qui nunc introducuntur ad disciplinas neque multa deinceps inponunt magistri honera, neque semel hoc faciunt sed et breuia et eadem multociens resonant eis ut eorum facile inponant menti, ea que dicuntur. Sed ut non ex uitiis grauari ipsi ob multitudinem et memorie difficilem detentionem pigriores fiant circa recollectionem eorum que data sunt, corpore aliquo eis ex difficilitate iuuato.

CLOSE
Griffolini

4.1.1 In principio erat uerbum, et uerbum erat apud deum. Bonarum artium praecoeptores cum pueros doctrinae rudimentis accipiunt, non grauiori primum lectionum onere eorum mentes implicant, sed breuibus et iisdem saepe numero repetitis praecoeptis paulatim eos assuefaciunt. Quo fit ut eorum animis facile doctrina imprimatur, ab ipso eruditionis principio ad lectionum multitudinem capessendam, memoria laborante perterriti, ad colligenda praecoepta segniores reddantur, et doctrinae difficultate torpescant.

CLOSE
Griffolini-Montanus

4.1.1 In principio erat verbum, et verbum erat apud deum. Bonarum artium praeceptores, cum pueros doctrinae rudimentis accipiunt erudiendos, non grauiori primum lectionum onere eorum mentes implicant: sed breuibus et iisdem saepenumero repetitis, praeceptis, paulatim eos assuefaciunt, quo fit vt eorum animis facile doctrina imprimatur, ne ab ipso eruditionis principio ad lectionum multitudinem capessendam, memoria nimis laborante perterriti, ad colligenda praecepta segniores reddantur, et doctrinae difficultate torpescant.

CLOSE
Montfaucon

4.1.1 In principio erat Verbum, et Verbum erat apud Deum. Traditis ad disciplinas pueris, non gravia magistri statim imponunt onera, neque confertim hoc faciunt, sed paulatim, et eadem ipsis saepe repetunt, ut ea facilius in mente imprimant, ne a principio deterriti multitudine eorum quae vix memoria retinere valeat, segniores evadant ad ea quae sibi tradita sunt colligenda, desidia tandem ex difficultatibus parta.