CLIO

CLOSE
Burgundio

4.1.10 Hoc autem substantia quedam est en hypostatos id est ypostasis ens, ex ipso proueniens impassibiliter patre; hoc enim ut preueni dicens per uerbi nuncupationem, manifestauit. Sicut enim hoc id est in principio erat uerbum eternitatem ostendit, ita hoc uerbum erat in principio apud deum, coeternitatem ostendit nobis.

CLOSE
Griffolini

4.1.10 Hoc autem uerbum substantia quaedam est in persona ex ipso patre sine passione proueniens. Hoc, ut iam dixi, per uerbi appellationem manifestauit. Quemadmodum igitur in principio erat uerbum, aeternitatem significat. Ita hoc erat in principio apud deum coaeternitatem nobis ostendit.

CLOSE
Griffolini-Montanus

4.1.10 hoc autem verbum substantia quaedam est in persona, ex ipso patre sine passione proueniens, hoc, vt iam dixi, per verbi appellationem manifestauit. Quemadmodum igitur illud, In principio erat verbum, aeternitatem significat: ita et istud, hoc erat in principio apud deum, coaeternitatem nobis ostendit.

CLOSE
Montfaucon

4.1.10 Hoc autem Verbum substantia est in hypostasi, quae a Patre sine passione procedit. Illud enim, ut dixi, per Verbi appellationem significavit. Quemadmodum igitur, illud, In principio erat Verbum, aeternitatem denotat; ita et illud, Hoc erat in principio apud Deum, coaeternitatem nobis significat.