CLIO

CLOSE
Burgundio

4.1.8 Quod autem dignum cum hiis est admirari, illud maxime dicere, quoniam neque hic ad altiorem se ipsum sermonem immittens dispensationem neglexit, neque illi eam que de hac studentes, pre eternam tacuerunt existentiam, et ualde decenter. Vnus enim erat spiritus qui mouebat omnium animas. Ideoque multam circa enuntiationem demonstrarunt concordiam.

CLOSE
Griffolini

4.1.8 Illud autem admiratione dignum est, quod neque Ioannes in narratione humanitatem contempsit, neque illi cum huic , sempiternam omnino siluerunt essentiam. Et sane quidem. Vnus enim spiritus est, qui omnium mentes mouet. Propterea ualde in narrationibus suis concordant.

CLOSE
Griffolini-Montanus

4.1.8 Illud autem admiratione dignum est, quod neque Ioannes in ampliori narratione humanitatem contempsit, neque illi cum huic vacarent, sempiternam omnino siluerunt essentiam. Et sane quidem: vnus enim spiritus est, qui omnium mentes mouet: propterea valde in narrationibus suis concordant.

CLOSE
Montfaucon

4.1.8 Ad haec, quod summopere mirandum, neque hic sublimiorem aggressus sermonem, oeconomiam sive incarnationem neglexit; neque, qui eam narraverunt, illius ante saecula exsistentiam tacuerunt; idque jure merito: unus quippe Spiritus erat qui omnes movebat; ideoque magnum in narratione consensum exhibuerunt.