PREVIOUS EXCERPT | NEXT EXCERPT

CLOSE
Burgundio

4.1.9 Tu uero dilecte uerbum audiens nunquam detinearis a dicentibus id esse opus. Sed neque ab hiis qui extimant simpliciter uerbum id esse. Nam multa quidem sunt dei uerba que in angeli faciunt. Sed nullum uerborum illorum est deus, sed illa quidem omnia prophetie et praecepta sunt. Ita enim consuetudo est scripture, uocare legis dei, et precepta et prophetias. Ideoque inducit dicens de angelis potentes uirtute facientes uerbum eius.
CLOSE
Griffolini

4.1.9 Tu autem dilectissime, cum uerbum hoc in loco audis, noli quaeso iis acquiescere, qui dicunt id uerbum esse quod ore profertur, aut simpliciter uerbum. Multa enim dei sunt uerba, quae et angeli faciunt. Nullum tamen eorum deus est, sed et prophetiae et praecoepta1470/1486/1530: precepta uerba dicuntur. Mos enim scripturae est, diuinas leges et praecoepta et prophetias uerbum appellare. Quare de angelis loquens, potentes inquit uirtute, qui facitis uerbum eius,
CLOSE
Griffolini-Montanus

4.1.9 Tu autem dilectissime, cum verbum hoc in loco audis, noli, quaeso, iis acquiescere, qui dicunt id verbum esse, quod ore profertur, aut simpliciter verbum: multa enim dei sunt verba, quae et angeli faciunt, nullum tamen eorum deus est: sed et prophetiae et praecepta, verba dicuntur. Mos enim scripturae est diuinas leges, et praecepta, et prophetias verbum appellare. Quare de angelis loquens: Potentes, inquit, virtute qui facitis verbum eius:
CLOSE
Montfaucon

4.1.9 Tu vero, dilecte, cum Verbum audis, ne feras eos qui dicunt ipsum opificium esse; neque eos qui putant ipsum simpliciter verbum esse. Multa nempe sunt Dei verba, quae et Angeli faciunt; sed nullum horumce verborum Deus est; verum illa omnia sunt prophetiae et praecepta; sic enim solet Scriptura vocare leges Dei, praecepta et prophetias: ideoque de Angelis adjicit, Potentes virtute, facientes verbum illius.