CLIO

CLOSE
Burgundio

7.1.6 Deinde te interrogauerit quis, quomodo autem nostre infinitam anime habebunt uitam? et corpora post hec? Deridebis interrogationem ut querere talia non existens humane mentis sed credere oporteret solum et non inuestigare sufficientem habentia demonstrationem eius quod dictum est, uirtutem eius qui dixit: Si uero enim qui animas et corpora operatus est, et creationi omni incomparabiliter eminet, anarcum id est sine principio esse dixerimus, modum nos expetis.

CLOSE
Griffolini

7.1.6 Quod si abs te quispiam quaereret. Quomodo immortalem uitam, et corpora nostrae , nonne ridicula esset quaestio? ac si non humani esset ingenii eiusmodi inquirere, sed credere tantum oporteret, neque esset curiosius inuestigandum, quod sufficientem habeat sui demonstrationem, et immensam promittentis potestatem. Nam cum animarum et corporum nostrorum conditorem, qui omnem excedit creaturam, sine principio esse asseramus, qua nam ratione id factum sit efflagitabis?

CLOSE
Griffolini-Montanus

7.1.6 quod si abs te quispiam quaeret, quo modo immortalem vitam, et corpora et nostrae habiturae sint animae: nonne ridicula esset quaestio? ac si non humani esset ingenii eiusmodi inquirere, sed credere tantum oporteret: neque esset curiosius inuestigandum, quod sufficientem habeat sui demonstrationem, immensam promittentis potestatem. Nam cum animarum et corporum nostrorum conditorem, qui omnem incorporalem excedit creaturam, sine principio esse asseramus: qua nam ratione id factum sit, efflagitabis?

CLOSE
Montfaucon

7.1.6 Ad haec, si quis quaerat a te: Quomodo animae et corpora immortali vita fruitura sint; interrogationem illam ridebis, quasi non sit humanae mentis quaerere, sed credere tantum oporteat, neque dictum illud scrutari, cujus sufficiens sit demonstratio dicentis potentia; sin autem illum qui et animas et corpora creavit, et nulla comparatione creaturam universam exsuperat, sine principio esse dicamus, tu interrogabis quomodo id factum