CLIO

CLOSE
Burgundio

1.1.9 Est autem ei scema quidem celum uniuersum, theatrum uero, orbis terrarum. Inspectores uero et auditores, omnes angeli et hominum quicumque angeli contingunt esse uel et fieri concupiscunt. Hii enim soli hanc certissime audire possunt utique armoniam et in operibus ipsam ostendere, auditores se ipsos constituentes, quales esse oportet.

CLOSE
Griffolini

1.1.9 Est enim ei proscenium uniuersum caelum, theatrum orbis terrae, spectatores auditoresque omnes angeli, et quicunque homines angeli sunt, aut fieri desyderant. Quippe duntaxat hanc proculdubio possunt harmoniam exaudire, eamque re ostendere, tales se auditores, quales oportet exhibentes.

CLOSE
Griffolini-Montanus

1.1.9 Est enim ei proscenium vniuersum coelum, theatrum orbis terrae, spectatores auditoresque omnes angeli, et quicunque homines angeli sunt, aut fieri desiderant: quippe hi duntaxat hanc proculdubio possunt harmoniam exaudire, eamque re ostendere, tales se auditores quales oportet exhibentes.

CLOSE
Montfaucon

1.1.9 Est illi proscenium, caelum totum; theatrum, orbis; spectatores et auditores, omnes angeli, et ex hominibus quotquot angeli sunt, aut fieri cupiunt. Hi namque soli possunt hanc harmoniam accurate auribus percipere, et operibus exhibere, atque auditores, quales oportet, esse.