PREVIOUS EXCERPT | NEXT EXCERPT

CLOSE
Burgundio

1.2.5 Si enim ea que in regiis fiunt cupimus scire, puta quid dixit quid fecit, quid dixit quid consulatur de hiis que reguntur rex, quamuis multociens nichil ad nos sunt, multomagis que Deus dixit concupiscibile est audire, et maxime cum omnia nobis competant, hec autem omnia cum certitudine hic nobis dicit, amicus eius qui regnat existens magis autem et ipsum habens in se ipso loquentem et ab ipso omnia audiens que a patre ille. Vos enim dixi amicos ait quoniam omnia que audiui a patre meo nota feci uobis.
CLOSE
Griffolini

1.2.5 Nam si ea quae in regiis fiunt domibus, cognoscere exoptamus, ut exempli gratia quid dixerit, fecerit, consuluerit1486: consulerit super subditis suis rex, et saepe quae nihil ad nos attinent, quanto magis quae a deo dicuntur, audiendi flagramus desyderio?1486: desyderio: tum maxime cum ea scire nostra plurimum intersit.1470/1486: intersit? Quae omnia hic nobis euangelista accurate explicat, cum ipsi regi incredibili sit amore deuinctus, immo et ipsum in se loquentem contineat, audieritque ab eo quaecunque ipse a patre accoeperit: Vos dixi amicos, inquit, quia omnia quaecunque audiui a patre meo, nota feci uobis.
CLOSE
Griffolini-Montanus

1.2.5 Nam si ea quae in regiis fiunt domibus, cognoscere exoptamus: vt exempli gratia, quid dixerit, fecerit, consuluerit super subditis suis rex, et saepe quae nihil ad nos attinent: quanto magis quae a deo dicuntur, audiendi flagramus desiderio, tum maxime cum ea scire nostra plurimum intersit? Quae omnia, hic nobis euangelista accurate explicat, cum ipsi regi1603: ipse regni incredibili sit amore deuinctus: imo et ipsum in se loquentem contineat, audieritque ab eo quaecunque ipse a patre acceperit: Vos dixi amicos, inquit, quia omnia quaecunque audiui a patre meo, nota feci nobis1603: vobis.
CLOSE
Montfaucon

1.2.5 Nam si ea quae in regia geruntur, scire optamus; nempe quid Imperator faciat, quid de subditis consulat, etiamsi saepe id nihil ad nos attineat: multo magis quae Deus dixit audire optandum est: cum maxime illa omnia ad nos spectent. Haec porro cuncta accurate ille nobis enarrabit, quod regis amicus sit, imo quod regem in se loquentem habeat, omniaque ab illo audiat, quae ille a Patre accipit: nam ait, Vos dixi amicos, quia omnia quae audivi a Patre meo, nota feci vobis.