CLIO

CLOSE
Burgundio

1.2.7 Illinc enim nobis uir hic loquitur. Non enim est de mundo hoc sicut ait et ipse Christus. Vos non estis de mundo hoc. Et peraclitum habet in se loquentem, qui ubique presens est. Qui ita presens est qui ita diligenter nouit que sunt Dei, ut que sui ipsius nouit hominum anima, qui spiritus sanctitatis, qui spiritus rectus, qui principalis, qui manuducit ad celos, qui facit oculos alios, qui preparat futura ut presentia uidere, qui et cum carne ea que sunt in celis cernere tribuit.

CLOSE
Griffolini

1.2.7 E caelo enim uir hic nos allocutum uenit. Neque enim est de hoc mundo, ut ipse testatur Christus cum inquit: Vos de mundo non estis, et paraclitum habet in se loquentem et ubique praesentem, qui tam certe mysteria, ut res suas humana anima, spiritum sanctificationis spiritum rectum, qui nos ducit et trahit in caelum, qui nos oculis illuminat, qui nos idoneos reddit, ut futura non secus ac praesentia contemplemur, qui demum efficit, ut etiam in carne caelestia spectare possimus.

CLOSE
Griffolini-Montanus

1.2.7 E coelo enim vir hic nos allocutum venit: neque enim est de hoc mundo, vt ipse testatur Christus, cum inquit, Vos de mundo non estis: et paracletum habet in se loquentem, et vbique praesentem, qui tam certe nouit dei mysteria, vt res suas humana anima, spiritum sanctificationis, spiritum rectum, qui nos ducit et trahit in coelum, qui aliis nos oculis illuminat, qui nos idoneos reddit, vt futura non secus ac praesentia contemplemur, qui demum efficit, vt etiam in carne coelestia spectare possimus.

CLOSE
Montfaucon

1.2.7 Ex caelo namque vir ille nos alloquitur: non enim est ex hoc mundo, ut etiam dicit ipse Christus: Vos de hoc mundo non estis; et Paracletum in se loquentem habet, ubique praesentem, qui ita novit ea quae Dei sunt, ut anima hominis res suas novit; Spiritum nempe sanctitatis, Spiritum rectum, qui dirigit et ducit in caelum, qui novos dat oculos, qui id efficit ut futura tamquam praesentia videamus, et in carne caelestia intueamur.