PREVIOUS EXCERPT | NEXT EXCERPT

CLOSE
Burgundio

1.3.7 Sed tamen ad summum uirtutis confestim peruenit et ipsum iuit paradysum. Non diebus indigens, non dimidia die, sed breui momento. Quare licet repente transponi, et fieri aureum pro luteo? Quia enim non natura uirtus et malicia est, facilis est transpositio, ab omni necessitate eruta.
CLOSE
Griffolini

1.3.7 Verum ad ipsum uirtutis apicem quam primum euasit, et in ipsam assumptus est paradysum. Nec dierum, nec dimidiae quidem horae, sed breuis tantum momenti indiguit. Eadem et nos ratione repente mutari possumus, et ex luteis aurei fieri. Cum enim neque uirtus, neque uitium a natura sit1486: fit, facilis ad utrumuis transitus datur, cum nulla cogat necessitas.
CLOSE
Griffolini-Montanus

1.3.7 Verum ad ipsum virtutis apicem quamprimum euasit, et in ipsam1603: ipsum assumptus est paradisum, nec dierum, nec dimidiae quidem horae, sed breuis tantum momenti indiguit. Eadem et nos ratione repente mutari possumus, et ex luteis aurei fieri. Cum enim neque virtus, neque vicium a natura sit, facilis ad vtrumuis transitus datur, cum nulla cogat necessitas.
CLOSE
Montfaucon

1.3.7 Attamen latro ille ad summum virtutis apicem statim pervenit, et in paradisum abiit, nec plurimis diebus, nec dimidio die opus habuit, sed brevi tantum momento. Itaque licet repente mutari, et aureum ex luteo effici. Cum enim neque virtus, neque vitium ex natura insint, facilis est mutatio, omni necessitate libera.