CLIO

CLOSE
Burgundio

18.2.11 Si uero alicui extra tempus esse uidetur hora decima hec dici. Etenim hoc tempus tunc diei erat. Hora enim erat quasi decima ait, falli uehementer hic talis michi uidetur. Nam in multis quidem et carni seruientibus decenter quod post dapes est tempus, non est ualde aptum ad quippiam neccessariorum, propterea quod cor escis grauatur.

CLOSE
Griffolini

18.2.11 Quod si cui non idoneo tempore, hora uidelicet decima, haec dicta uiderentur (Hora enim, inquit, quasi decima erat.), multum mea sententia fallitur. Mundi nanque hominibus, uoluptatibus deditis, id tempus non admodum commodum est ad aliquid serio peragendum. Eo quod mens cibo ingrauescit.

CLOSE
Griffolini-Montanus

18.2.11 Quod si cui non idoneo tempore, hora videlicet decima, haec dicta viderentur: (hora enim, inquit, quasi decima erat) multum mea sententia fallitur. Mundi nanque hominibus, carnisque voluptatibus deditis, id tempus non admodum commodum est ad aliquid serio peragendum, eo quod mens cibo ingrauescit.

CLOSE
Montfaucon

18.2.11 Quod si cui extra tempus dictum videatur, hora nempe decima; nam hoc tempore hora erat quasi decima, inquit; hic certe mihi longe aberrare videtur. Nam apud multos quidem eorum qui carni serviunt, post sumtum prandium non videtur opportunum esse tempus ad res serias tractandas, quod ciborum mole cor obruatur.