CLIO

CLOSE
Burgundio

2.1.10 Non enim simpliciter humane est anime de incorruptibili et beata illa natura illa natura dei talia philosophari, de hiis que post ipsam sunt uirtutibus, de immortalitate et uita infinita, de natura corporum mortalium, postea futurorum, de supplicio, de futuro iudicio, de actis noxiis que in uerbis, que in operibus, que in cogitatione et mente, et quid quidem est homo scire, quid autem est mundus, et quid quidem est uere homo, quid autem est qui putatur quidem esse non autem est. Quid est malitia, et quid uirtus.

CLOSE
Griffolini

2.1.10 Non enim humanae simpliciter de immortali et beata illa natura, et quae cum illa sunt potestatibus, de natura corporum mortalium, et eorum futura immortalitate, de supplicio, de futuro iudicio, de uerborum, operum, cogitationum, et sententiae uniuscuiusque examinibus intelligere. Quid homo sit, quid mundus, quid uere . Quid cum non sit esse uideatur. Quid uitium, quid uirtus.

CLOSE
Griffolini-Montanus

2.1.10 non enim humanae simpliciter est animae, de immortali et beata illa natura, et quae cum illa sunt potestatibus, de immortalitate et vita aeterna, de natura corporum mortalium, et eorum futura immortalitate, de supplicio, de futuro iudicio, verborum, operum, cogitationum, et sententiae vniuscuiusque examinibus intelligere, quid homo sit, quid mundus, quid vere sit, quid cum non sit esse videatur, quid vicium, quid virtus.

CLOSE
Montfaucon

2.1.10 Neque enim humanae mentis prorsus est de immortali illa et beata natura ita philosophari, neque de potestatibus quae post illam sunt, vel de immortalitate et vita aeterna, vel de corporibus mortalibus, quae immortalia postea futura sunt, de supplicio, de futuro tribunali, de rationibus exigendis operum, verborum, cogitationum; scire quid sit homo, quid mundus, quid vere homo sit; quid illud quod videtur esse, cum tamen non sit; quid nequitia, quid virtus.