CLIO

CLOSE
Burgundio

2.1.3 Galilee enim detrahunt quidem scribe dicentes: Interroga et uide quoniam ex Galilea non surrexit propheta. Detrahit autem et qui uere Israelita est dicens: Ex Nazareth potest aliquid boni esse? Et huius existens terre? Neque insignis uille alicuius fuit, sed neque ex nuncupatione hic inde fuit. Patris uero piscatoris inopis; ita egeni ut et filios ad eandem duceret operam.

CLOSE
Griffolini

2.1.3 Galilaeam enim contemnunt scribae, cum inquiunt: Interroga et uide, quod ex galilaea non propheta. Nec non et israelita: Ex Nazaret potest aliquid boni esse? Huiusmodi Ioannes patria non modo non insigni aliqua familia, sed ne nota quidem ortus est, patre piscatore adeo paupere, ut eandem artem filios erudiret.

CLOSE
Griffolini-Montanus

2.1.3 Galilaeam enim contemnunt scribae, cum inquiunt: Interroga et vide, quod ex Galilaea non surgit propheta. Necnon et verus Israelita, dicens: Ex Nazareth potest aliquid boni esse? Huiusmodi Ioannes patria non modo non insigni aliqua, sed ne nota quidem ortus est, patre piscatore, adeo paupere, vt eandem artem filios erudiret.

CLOSE
Montfaucon

2.1.3 Galilaeam enim contemnunt Scribae cum aiunt: Interroga et vide, quod ex Galilaea non surgit propheta; nihili facit eam ille quoque vere Israelita dicens: Ex Nazareth potest aliquid boni esse? ex insigni quopiam ejus regionis loco erat: sed neque nomen ejus ibi notum; patre piscatore paupere: quin ita paupere, ut filios eadem in arte exerceret.