PREVIOUS EXCERPT | NEXT EXCERPT

CLOSE
Burgundio

2.4.11 Vides philosophiam ueram et dogmata diuina, non qualia grecorum tempora ponentium, et hos quidem seniores illos uero iuniores esse dicentium deos? Sed nichil tale apud nos. Si enim deus est, sicut est nichil, est ante eum. Si conditor est omnium, primus est ipse. Si dominator, et dominus uniuersorum, omnia sunt post eum et creature et secula.
CLOSE
Griffolini

2.4.11 Ecce ueram1470: naturam philosophiam, et diuina dogmata, non qualia gentilium qui tempora, et deos hos antiquiores, illos iuniores posuerunt, sed nihil tale in nostra religione. Nam si deus est, quemadmodum est, nihil eo superius. Si omnium conditor, primus. Si dominus et princeps omnium, omnia post ipsum et creaturae et saecula.
CLOSE
Griffolini-Montanus

2.4.11 Ecce veram philosophiam, et diuina dogmata, non qualia gentilium, qui tempora, et deos hos antiquiores, illos iuniores posuerunt: sed nihil tale in nostra religione. Nam si deus est, quemadmodum est, nihil eo superius: si omnium conditor, primus: si dominus et princeps omnium, omnia post ipsum et creaturae, et secula.
CLOSE
Montfaucon

2.4.11 Viden’ veram philosophiam, et divina dogmata, non qualia Graecorum, qui tempora constituunt, et deos alios seniores, alios juniores dicunt? At nihil apud nos simile. Si enim Deus est, ut revera est, nihil est ante illum; si creator omnium, ipse primus est; si dominus et dominator omnium, omnia post ipsum sunt, et opificia, et saecula.