PREVIOUS EXCERPT | NEXT EXCERPT

CLOSE
Burgundio

2.4.4 Vides quoniam quod dixi neque patrem in hiis que de filio sunt sermonibus tacuit. Si uero non sufficiunt hec exempla representare omnia, ne mireris. De deo enim nobis est sermo qui neque dicere neque intelligere digne possibile est. Ideoque substantie quidem nusquam ponit nomen. Neque enim possibile est ei dicere quis numquam est substantia deus. Vbique uero nobis eum ab actibus ostendit.
CLOSE
Griffolini

2.4.4 Vides ne ut dixi, quod1470/1486/1530: qui cum de filio loquitur patrem non subticet? Quod1530: Quo si haec satis non sunt ad omnia ostendenda, nulla te admiratio teneat. De deo enim nobis sermo est, quem neque dicere, neque intelligere pro ipsius magnitudine quisquam potest. Ideo Ioannes substantiae nequaquam nomen affert. Quippe cum dici nequeat, quaenam dei sit1486: fit substantia, ubique autem eum nobis ex operibus manifestat.
CLOSE
Griffolini-Montanus

2.4.4 Videsne, vt dixi, quod cum de filio loquitur, patrem non subticet? Quod si haec satis non sunt ad omnia ostendenda, nulla te admiratio teneat. De deo enim nobis sermo est, quem neque dicere, neque intelligere pro ipsius magnitudine quisquam1603: quispiam potest, ideo Ioannes substantiae nequaquam nomen affert. Quippe cum dici nequeat, quaenam dei sit substantia, vbique autem eum nobis ex operibus manifestat.
CLOSE
Montfaucon

2.4.4 Viden’ quomodo, ut jam dixi, cum de Filio loqueretur, Patrem non tacuit? Quod si haec non satis sint ad totam rem declarandam, ne mireris. De Deo namque nobis est sermo, quem pro dignitate neque dicere, neque cogitare possumus. Ideo hic substantiae nomen nusquam ponit: quia nemo potest dicere quid Deus sit secundum substantiam: ubique autem illum nobis ex operibus demonstrat.