PREVIOUS EXCERPT | NEXT EXCERPT

CLOSE
Burgundio

2.5.10 Valde enim est altus apostolus, hic et multis est plenus dogmatibus et in hiis conuersatur magis quam in aliis. Ne igitur superuacanee audiamus propterea enim nobis et secundum modicum exponimus eum, ut nobis facile omnia comprehensibilia fiant et non effugiant memoriam. Timemus igitur nequando fiamus uocis eius obnoxii que dicit. Si non uenissem loqutus ei fuissem peccatum non haberent.
CLOSE
Griffolini

2.5.10 Hic enim apostolus quam altissime erigitur, et incredibilem effundit doctrinam, in qua longe magis quam coeteri immoratur, ne friuolis et superuacaneis imbuamur. Quamobrem haec paulatim exponimus, ut facilia omnia1486/1530: om. ante oculos uobis1470/1486/1530: nobis ponantur. Ne ue excidant. Magna nosB: uos formido teneat, ne diuinae sententiae fiamus obnoxii, cum inquit: Si non uenissem, et locutus eis non essem, peccatum non haberent.
CLOSE
Griffolini-Montanus

2.5.10 hic enim Apostolus quam altissime erigitur, et incredibilem effundit doctrinam, in qua longe magis quam caeteri immoratur. Attendamus igitur, nec friuolis et superuacaneis imbuamur. Quamobrem haec paulatim exponimus, vt facilia ante oculos nobis ponantur, neve excidant. Magna nos formido teneat, ne diuinae sententiae fiamus obnoxii, cum inquit: Si non venissem, et locutus eis non essem, peccatum non haberent.
CLOSE
Montfaucon

2.5.10 Hic namque Apostolus admodum sublimis est, multisque plenus dogmatibus, in quibus magis versatur, quam in aliis. Ne, quaeso, perfunctorie audiamus. Ideo enim nos paulatim haec explicamus, ut vobis captu facilia omnia sint, nec ex memoria effluant. Timeamus ergo, ne ex sententia illa culpandi simus, qua dicit: Si non venissem, et loquutus fuissem eis, peccatum non haberent.