PREVIOUS EXCERPT | NEXT EXCERPT

CLOSE
Burgundio

2.5.11 Quid enim habebimus hiis qui audierent plus, quando et post auditionem nichil deinde retesserimus habentes, sed admirantes ea que dicta sunt solum? Date igitur nobis in bonam seminare terram. Date ut nos amplius attrahatis. Et si quis spinas habet, ignem superimmittat sancti spiritus. Si quis duram et renitentem, pinguem faciat eam et mollem, eodem utens rursus igne.
CLOSE
Griffolini

2.5.11 Ecquid nam amplius, quam qui nihil audierunt, consequemur, cum auditis diuinis sermonibus, nihil ex iis1530: his domum referimus, sed uerba tantum admiramur1486/1530: admiremur? Date igitur nobis, ut in bonam terram semen iaciamus. Curate ut ad id recipiendum praeparemini, et siquis spinas fouerit, spiritus sancti ignem iniiciat. Siquis durum et contumax cor habuerit, eodem igne et molle reddet et placabile.
CLOSE
Griffolini-Montanus

2.5.11 Et quidnam amplius, quam qui nihil audierunt, consequemur: cum auditis diuinis sermonibus, nihil ex his domum referimus, sed verba tantum admiremur? Date igitur nobis, vt in bonam terram semen iaciamus, curate vt ad id recipiendum praeparemini, et si quis spinas habuerit, spiritus sancti ignem iniiciat: si quis durum et contumax cor habuerit, eodem igne et molle reddat, et placabile:
CLOSE
Montfaucon

2.5.11 Quid plus habebimus, quam ii qui nihil audierunt, quando post concionem nihil domum referemus, sed verba tantum mirati fuerimus? Date nobis igitur, ut in bonam terram semen jaciamus: date, ut nos magis attrahatis. Et si quis spinas habeat, ignem Spiritus injiciat: si quis cor durum et contumax, eodem igne molle illud et tractabile reddat.