23.2.5 Non enim increpauerunt neque conuitium intulerunt. Sed quid aiunt? Quod signum ostendis nobis quoniam hoc facis? Vides liuoris superhabundantiam, et qualiter aliorum beneficia magis eos exacerbabant;
23.2.5 Nulla enim in eum contumelia vsi sunt, sed quod signum, inquiunt, ostendis nobis, quia haec facis? Animaduertis inuidiam incredibilem, et quo nam pacto in alios collata beneficia magis eos irritabant?
23.2.5 Neque enim increparunt, aut contumelia affecerunt, sed quid dixerunt? Quod signum ostendis nobis quia talia facis? Viden’ livorem ingentem, et quomodo aliis illata beneficia indignius ferrent?
