PREVIOUS EXCERPT | NEXT EXCERPT

CLOSE
Burgundio

25.1.6 et uideamus qualiter Nichodemo decidente et ad eam que hic est natiuitatem trahente quod dictum est, et dicentem impossibile esse senem nasci desuper, christus manifestius reuelat natiuitatis huius modum habentem quidem et ita difficilitatem ei qui animaliter interrogat, sed tamen potentem ab humilitate reducere auditorem.
CLOSE
Griffolini

25.1.6 Haesitabat Nicodemus et de huius saeculi generatione Christum locutum1470/1486/1530: locutum Christum arbitratus. Impossibile, inquit, senem nasci denuo. Animaduerte nunc quomodo iterum Christus quam generationem dicat, manifestius ostendit, difficilem quidem ei qui secundum animam tantum percontabatur, potentem tamen a terrenae cogitationis humilitate erigere auditorem.
CLOSE
Griffolini-Montanus

25.1.6 Haesitabat Nicodemus, et de huius seculi generatione locutum Christum arbitratus. Impossibile, inquit, senem nasci denuo. Animaduerte nunc quo modo iterum Christus, quam generationem dicat manifestius ostendit: difficilem quidem ei qui secundum animam tantum percontabatur, potentem tamen a terrenae cogitationis humilitate erigere auditorem.
CLOSE
Montfaucon

25.1.6 Nicodemo namque in humiliora decidente, et Christi dictum ad terrenam generationem deprimente, ac dicente impossibile esse senem denuo nasci, Christus generationis illius modum clarius explicat, qui difficile quidem intelligeretur ab eo, qui animali modo interrogasset; possetque tamen ab hac abjecta cogitatione interrogantem erigere.