37.2.13 Etenim sciebat manifeste non ita morbos in sabbati solutione ut in infirmitatis directione. Sed neque hoc occultauit, neque illud dixit, neque ueniam petiit, sed clara uoce beneficium confessus est et preconauit. Et paraliticus quidem ita.
37.2.13 Norat enim non tam propter sabbati praeuaricationem, quam propter morbi curam Iudaeos id reprehendere. Verum neque beneficium siluit, neque deprecatus est, sed clara uoce, quid acceperit, profitetur et praedicat. Ita paralyticus.
37.2.13 Norat enim, non tam propter sabbati praeuaricationem, quam propter morbi curam Iudaeos id reprehendere. Verum neque beneficium siluit, neque deprecatus est, sed clara voce quid acceperit, profitetur et praedicat, ita paralyticus.
37.2.13 Nam probe sciebat ipsos non ita de violato sabbato morderi, ut de aegro curato. Sed neque hoc occultavit, nec illud dixit, nec veniam petiit; sed splendida voce beneficium confessus est et praedicavit. Ita paralyticus.
