CLIO

CLOSE
Burgundio

38.5.15 Et si enim in forum immittas te, et si in domum intres, et si in uias, et si in apothecas, et si in diuersoria, et si in hospitales, et si in nauim, et si in insulam, et si in regias, et si in iudicia, et si in consiliatoria, ubique presentium et secularium rerum uidebis sollicitudinem, et unumquemque pro hiis inhiantem, et presentes et absentantes manentes, nauigantes et agricolas et eos qui in agris et eos qui in ciuitatibus omnes simpliciter.

CLOSE
Griffolini

38.5.15 Si in forum te conferes, si domum ingredieris, si egredieris, si nauigabis, si uillam, si hospitium, si regiam, si senatum, si iudicia petes, omnia saecularium curarum plena, uenientes, abeuntes, manentes, nauigantes, qui rura, qui ciuitates habitant, omnes implicitos et attonitos intueberis.

CLOSE
Griffolini-Montanus

38.5.15 Si in forum te conferes, si domum ingredieris, si egredieris, si nauigabis, si villam, si hospitium, si regiam, si senatum, si iudicia petes, omnia secularium curarum plena: venientes, abeuntes, manentes, nauigantes, qui rura, qui ciuitates habitant, omnes his implicitos et attonitos intueberis.

CLOSE
Montfaucon

38.5.15 Sive in forum te conferas, sive domum intres, sive vias, stationes, diversoria frequentes, si navim conscendas, insulam adeas vel regias aedes, si judiciale forum vel senatum adeas, saecularium ubique rerum solicitudinem observabis, singulosque his in rebus laborantes, abeuntes, manentes, navigantes, agricolas, eos qui in agro, eos qui in urbe habitant, uno verbo, omnes.