5.2.5 Si enim neque de spiritu sancto hec dicta sunt, sicut demonstratum est; neque de creatione, adherebunt autem adhuc eidem lectioni, quod omnium inconuenientissimum, illud sequetur quod antea diximus id est filium per se ipsum factum esse.
5.2.5 Nam si neque de spiritu id dictum est: vt plane ostendimus, neque de creatura, et eo quod asserunt puncto esset is textus distinguendus, illud vnum sequeretur absurdissimum, quod ante diximus, filium per seipsum factum esse.
5.2.5 Nam si haec de Spiritu non dicta sunt, ut jam demonstratum est, neque de creatura; et eamdem tamen illi lectionem tueantur; illud omnium absurdissimum sequetur, ut diximus, quod Filius per seipsum factus sit.
