PREVIOUS EXCERPT | NEXT EXCERPT

CLOSE
Burgundio

5.4.6 Etenim qui uult esse auarus, non diuidit amicum ab impugnatore et inuidens, et uehementer familiarem ut inimicum respicit. Et insidiator similiter ad omnes bellatur. Et simpliciter omnis qui peccatum facit ab ebriis et manimosis nullo differt, ad rerum cognoscendum naturam
CLOSE
Griffolini

5.4.6 Quippe qui lucro inhiat, nullam amici inimici ue intelligit differentiam. Et inuidus familiarissimum non secus quam inimicum conspicatur, et latrones similiter in omnes bellum gerunt, omnibus insidiantur. Et omnino quicunque se uitiorum sordibus coinquinant, nihil ad rerum differentias dignoscendas ab ebriis insanientibusque differunt.
CLOSE
Griffolini-Montanus

5.4.6 Quippe qui lucro inhiat, nullam amici, inimicive intelligit differentiam: et inuidus familiarissimum non secus quam inimicum conspicatur, et latrones similiter in omnes bellum gerunt, omnibus insidiantur: et omnino quicunque se viciorum sordibus coinquinant, nihil ad rerum differentias dignoscendas ab ebriis, insanientibusque differunt.
CLOSE
Montfaucon

5.4.6 Nam qui avaritiae studet, non distinguit amicum ab inimico: invidusque necessitudine sibi junctum ut inimicum habet; ac qui insidiatur, contra omnes bellum gerit: uno verbo, quisquis peccato obnoxius est, nihil differt ab ebriis et furentibus, neque rerum naturam novit.