CLIO

CLOSE
Burgundio

5.4.9 Non hec autem sola uersutia nobis qui in peccatis sumus contingit, sed quoniam et cum timore uiuimus continuo. Et sicut hii qui per noctem obscuram ambulant tremunt, et si nullus qui terreat adsit, ita et qui peccatum operantur confidere non habent, et si nullus qui redarguat sit, sed omnia formidant et suspicamur a conscientia puncti, et omnia eis timore et agonia sunt plena. Omnia circumspectant, omnia timent.

CLOSE
Griffolini

5.4.9 Neque hoc duntaxat nobis, dum sub impia uitiorum tyrannide uiuimus, molestum est, uerum etiam illud quod formidine , et ueluti qui per obscuram noctem iter faciunt, et nihil metuendum sit, metu tamen concutiuntur, sic qui scelus aliquod admittunt, et si nemo id uideat, nemo repraehendat, nihilo tamen melius sibi , sed omnia formidant, omnia suspicantur. Quippe qui perpetuis conscientiae stimulis agitantur, omnia formidolose circumspiciunt.

CLOSE
Griffolini-Montanus

5.4.9 Neque hoc duntaxat nobis dum sub impia viciorum tyrannide viuimus, molestum est: verum etiam illud quod formidine perpetua angimur, et veluti qui per obscuram noctem iter faciunt, vt nihil metuendum sit, metu tamen concutiuntur: sic qui scelus aliquod admittunt, etsi nemo id videat, nemo , nihilo tamen melius sibi fidunt, sed omnia formidant, omnia suspicantur: quippe qui perpetuis conscientiae stimulis agitantur, omnia formidolose circunspiciunt.

CLOSE
Montfaucon

5.4.9 Neque hoc unum nobis damnum in peccato degentibus accidit; sed et in perpetuo metu versamur: ac quemadmodum ii qui per noctem illunem iter agunt, semper tremunt, licet nemo adsit qui metum incutiat; sic ii qui peccatis dediti sunt, fidere nequeunt, etiamsi nullus adsit qui redarguat: sed omnia formidant et suspecta habent, conscientia stimulante, omniaque ipsis terrore et formidine plena sunt, omnia anxii circumspiciunt.