59.1.24 Dicunt ei ex hiis qui sequebantur eum. Num et nos ceci sumus? Sicut enim alibi dixerunt: Nulli seruiuimus umquam, et ex fornicatione non nati sumus, ita et nunc ad sensibilia inhiant solum et in hac uerecundabantur cecitate.
59.1.24 Tum quidam ex Pharisaeis qui sequebantur, dixerunt: Nunquid et nos caeci sumus? Vt in alio loco, Nemini seruiuimus vnquam, et ex fornicatione nati non sumus: ita et nunc his sensibilibus tantum insistebant, et huius pudebat caecitatis.
59.1.24 Tum dicunt ei quidam ex sequentibus: Numquid et nos caeci sumus? et ut alibi dicebant, Nemini servivimus unquam; et, non ex fornicatione nati sumus; ita et nunc sensibilibus tantum inhiant, et hujus illos pudebat caecitatis.
