Omelia XLIV

44.1.1 Responditgrif1470 fol. 3r; eras1530 p. 887 eis Ihesus et dixit. Amen amen dico uobis. Queritis me non quia uidistis signa. sed quia manducastis ex panibus et saturati estis.

44.1.2 Operaminieras1530: Operemini non cibum qui perit sed qui permanet in uitam eternam.

44.1.3 Non semper clementia utendum est et lenitate sed ignauus discipulus et ingenio piguior: acrioris magistri stimuliseras1530 p. 888 ab ignauia excitandus est.

44.1.4 quem morem et hic et alibi sepenumero dei filius seruauit. Accedentibus enim turbis et applaudentibus. Rabbi: quando huc uenisti.

44.1.5 ut humanam se gloriam contemnere: et eorum tantum salutis curam habere ostendat: asperius respondet: neque tam hac quam eorum animi detegendi gratia: ut pateret omnibus.

44.1.6 Amen inquit amen dico uobis. Queritis me non quia uidistis signa. sed quia manducastis ex panibus et saturati estis.

44.1.7 Modestius coarguit: non gule et uentris seruos appellauit. non tot miracula: que neque secuti erant:

44.1.8 neque admirati exprobrauit.

44.1.9 non tam alia quam paulo ante factum miraculum meminit. quod non admirabantur sed quia saturati erant sequebantur:

44.1.10 ut iterum saturarentur: et ea gratia reuertebantur. Propterea dixerunt. Patres nostri commederunt manna in deserto. Quod eos corporeo cibo inhiare indicabanteras1530: indicabat. rem sane maxime reprehendendam.

44.1.11 Ihesus autem non reprehensioni tantum immoratur. sed doctrine incumbit. Operamini inquit non cibum qui perit. sed qui permanet in uitam eternam. quameras1530: quem filius hominis dat uobis. Hunc enim pater signauit deus.

44.1.12 Hoc est. Nolite corporis cibum curare. sed spiritus. Nonnulli autem ignauie et desidie dediti: his uerbis abutuntur: ac si christus laborum opera tolleret. Quibus necessario respondendum est.

44.1.13 Totam enim ut sic dicam: christianam calumniantur religionem: ut suam secordiameras1530: socordiam tueantur.

44.1.14 Sed audiant Paulum. Recordamini domini dicentis. Beatius est dare quam accipere. Atqui unde potest dare qui non habet?

44.1.15 Quid Marthe inquit Ihesus. Sollicita es et turbaris erga plurima. porro unum est necessarium. Maria optimam partem elegit. Et iterum. Nolite curare de crastino.

44.1.16 Hec omnia soluenda sunt non solum ut pigros excitemus. sed ne pugnare uideatur diuina scriptura.

44.1.17 Etenim alibi inquit Paulusgrif1470 fol. 3v. Rogamus autem uos fratres ut abundetis magis: et operam detis ut quieti sitis. et ut uestrum negocium agatis: et operemini manibus uestris: sicut precepimus uobis: ut honeste ambuletis: ad eos qui foris sunt.

44.1.18 Et iterum. Qui furabatur iam non furetur. magis autem laboret operando manibus suis: quod bonum est: ut habeat: unde tribuat necessitatem patienti.

44.1.19 Hic Paulus non simpliciter precipit operari. sed ita ut indigenti subueniat.

44.1.20 Et alibi. Et necessitatibus meis et eorum qui mecum sunt: ministrant manus ipse.

44.1.21 Et ad corinthios. Que est ergo merces meaeras1530: mea? ut euangelium predicans sine sumptu ponam euangelium.

44.1.22 et in ciuitatem illam ueniens mansit apud aquilam et priscillam et operabatur. erant enim scenofactorie artis.

44.1.23 Hec omnia quantum ad uerba pugnare maxime uidentur. Sunt ergo exponenda. Sed quid dicemus?

44.1.24 Non curare et non operari intelligendum est. ne toto animo secularibus rebus inhiemus: neque de quiete crastina tanquam superuacua cogitemus.

44.1.25 Non licet aliqua huiusmodi cura operantem perturbari. Neque enim idem est cura et operatio. Neque ut operi confidat quispiam operetur. sed ut communicet indigenti.

44.1.26 Quod autem ad Martham locutus est Ihesus: non in operando reprehensionem dixit. sed quod tempus considerandum sit. et distribuendum: ne audiendi uerbi dei occasio: in carnalium rerum cura consumatur.

44.1.27 Non ergo desidiam laudat Ihesus. sed ad audiendum allicit. Veni inquit ut uos necessaria docerem. tu autem circa prandium occuparis.

44.1.28 Variis ciborum generibus me uis accipere. alium cibum para. Sermonibus meis attende. Sororis desiderium imitare.

44.1.29 Neque coarguebat Ihesus hospitalitatem. Absit. sed doctrine tempore: aliis non esse uacandum negociis: admonebat.

44.1.30 Illa autem particula. Operamini non cibum qui perit. non in desidia uiuendum significat. hic enim cibus est: qui maxime perit.

44.1.31 Siquidem omnis malicie fomes est desidia. sed operandum et erogandumeras1530: erogangum indigentibus: qui cibus minime perit.

44.1.32 Qui pigricie deditus uentri uiuit. deliciis uacat: is cibum operatur qui perit.

44.1.33 qui uero ex labore suo christum nutrit: potum dat uescit. Quis adeo sensu caret ut eum cibum pereuntem dicat operari. per quem: et celeste regnum et illius bona nobis promittuntur.

44.1.34 Hic cibus perpetuus est. At iudei cum nullam fidei rationem haberent. cumgrif1470 fol. 3r nihil cogitarent unde et qua uirtute ille cibus uenisset.

44.1.35 sed tantum nihil operando sacietatem quererent: merito huiusmodi qui perit cibum appellauit.

44.1.36 Paui uos inquit: ut inde permanentem cibum quereretis: quo nutriretur animus. uos terreno attenditis.

44.1.37 Ideo hunc uobis uilem dare nolo: qui caducam et fluxam uitam. sed qui sempiternam prebeat. qui non corpus. sed animam pascat.

44.1.38 Sed cum magnifice de se locutus esset daturum se cibum pollicendo. neeras1530 p. 889 iterum calumniandi illis materiam preberet: ut sibi fidem faceret: in patrem id refert.

44.1.39 Nam cum dixisset. Quem filius hominis uobis dabit. Subdiditeras1530: subdit. Hunc enim pater signauit deus. Propterea misit qui hunc uobis cibum ferret. Quod et aliter potest interpretari.

44.1.40 Alibi inquit christus. qui audit hoc: me signauit: quod deus uerax est hoc et manifeste ostendit. Quam mihi significationem et in hoc loco habere uidetur:

44.1.41 hec particula: signauit pater. hoc est ostendit: et suo reuelauit testimonio. Etenim ipse se ostendit: et iudeos affatus. patris in medium protulit testimonium.

44.2.1 Ea igitur dilectissimi dominum postulemus: ea oremus: que iure nobis ab eo negari nequeant. Secularia enim et si contigerint: minime noxia sunt.

44.2.2 si uero ditabimur: hic tantum deliciis fruemur. Si pauperes erimus: nihil officiet.

44.2.3 Siquidem neque que aut optanda in hac uita aut molesta uidentur ad uoluptatem aut tristiciam uim ullam habere debent. sed utraque contemnenda. Diffluunteras1530: Defluunt enim quam celerrime.

44.2.4 quare uie appelantur a deo: altera lata et facilis. altera angusta et aspera. Vtraque uita immortalis futura: et supplicii: et glorie.

44.2.5 Ad alteram fugiendam: alteram assequendam. summam adhibeamus diligentiam. Quenam secularium queso uoluptatum utilitas?

44.2.6 Hodie sunt: cras elabuntur. Hodie flos pulcherrimus. cras aridus puluis. Hodie ignis ardens. cras cinis extinctus.

44.2.7 Spiritalia autem perpetuo clara floridaque: et indies splendidiora permanent.

44.2.8 Nunquam ille cessant diuitie: nunquam transferuntur: nunquam desinunt: Nunquam sollicitudinem: inuidiam: calumnias: afferunt. Non perdunt corpus: non corrumpunt animum que omnia in his reperiuntureras1530: rapiuntur diuitiis.

44.2.9 Gloria illa non in superbie stulticiam tollitur. non tumet. nunquam cessat. nunquam fit obscurior:

44.2.10 In celo uoluptas et delicie sempiterne immortales: nullo fine: nullo termino comprehendende.

44.2.11 Has desiderio prosequamurgrif1470 fol. 3v: presentia omnia pre future beatitudinis spe ut ridicula (etiam in regum aulas et familiaritatem acciti) contemnamus.

44.2.12 Quibus licet nihil beatius uideatur. parua tamen et uilia et nullius momenti ducunt:

44.2.13 qui celestia animo complectuntur. Quidquid finem habet non admodum preciosum est.

44.2.14 Quidquid cessat et hodie est. cras desinit etiam maximum quam uilissimum est existimandum.

44.2.15 Non igitur que fugiunt et elabuntur. sed que permanent et nunquam mutantur: bona prosequamur. ut omnes ea consequi mereamur.

44.2.16 Gratia et benignitate domini nostri Ihesu christi cum quo patri gloria simul et spiritui sancto in seculaeras1530: secula seculorum Amen.


PREVIOUS HOMILY | NEXT HOMILY